مميزات منحة Chevening :
لمعرفة تفاصيل أكثر عن منحة Chevening راجع المقال هنا
1- مش لازم يكون تقديرك عالي في الكليه (ممكن تقدم حتي لو جايب مقبول بس لازم الجامعه بردو تكون مش مشترطه تقدير عالي)
2- المنحه بتقبل اي سن يعني مفيش سن معين للتقديم :D اهم حاجه يكون معاك شهاده بكالوريوس او ليسانس
3- مش لازم تدرس نفس المجال الي درسته في الجامعه ممكن تدرس اي مجال تاني بس بشرط انك يكون عندك خبره شغل في المجال ده متقلش عن سنتين
4- الماجستير مدته سنه واحده فقط مش سنتين زي معظم الدول
5- المنحه شامله كل تكاليف الدراسه و الي مش بتقل عن حوالي 15 الف جنيه استرليني
( يعني حوالي 360 الف جنيه مصري )
6- بتاخد كمان شهريا حوالي من 1000 الي 1200 جنيه استرليني عشان مصاريف المعيشه
7- بتاخد فيزا tier 4 والي بتسمحلك تشتغل 20 ساعه في الاسبوع في انجلترا يعني حوالي 4 ساعات في اليوم
8- انجلترا فيها جامعات كتير جدا و تقريبا هتلاقي فيها كل التخصصات الي ممكن تتخيلها فاكيد هتلاقي التخصص الي عاوز تدرس فيه بس بشرط يكون عندك خبره سنتين في التخصص ده حتي لو مكنش هو مجال درستك في الجامعه
9- مطلوب 6 و نص في الايلتس و دي درجه مش صعب انك تجبها
10- ليك حريه اختيار الجامعه الي عاوز تدرس فيها بس خلي بالك اختار جامعه شروطها مش صعبه عليك عشان تتقبل فيها
كل سنه فيه حوالي 3000 واحد بيقدم بيختاروا منهم حوالي 150 واحد عشان يعملوا انترفيو في السفاره البريطانيه و بيختارو منهم حوالي 75 هما الي بيسفروا
يعني بعد سنه واحده فقط هتتغير حياتك هيكون معاك ماجستير من جامعه عالميه في انجلترا معترف بيها عالميا في اي دوله :D و كمان عندك خبره شغل في انجلترا :D و ممكن كمان تحوش شويه فلوس يعني لو حوشتلك كل شهر 300 جنيه استرليني هترجع مصر بحوالي 3600 جنيه استرليني يعني حوالي 90 الف جنيه :D غير انك بتلاقي وظايف في اماكن عاليه جدا بعد اما تخلص المنحه و تاخد الماجستير :D
طب اعمل ايه دلوقتي عشان احضر للمنحه ( المنحه هتفتح بعد شهر من دلوقتي و التقديم هيفضل مستمر لمده 3 شهور ) :
1- طور الانجليزي بتاعك لسه قدامك حوالي 3 شهور عشان تدخل امتحان الايلتس الي بيقيس مستواك في اللغه و المطلوب 6 و نص يعني مستواك لازم يكون فوق المتوسط بشويه.
2- ابدا شوف ناس اشتغلت معاهم او درست معاهم عشان يكتبولك ال reference letter
و يفضل ان علاقتك بيهم تكون كويسه و تقدر توصلهم بسرعه عشان لو احتجت منهم حاجه , و يفضل انهم ميكونوش من اقاربك او صحابك و يفضل انو يكون حد معروف في المجال بتاعك و يعرفك شخصيا
3- بالنسبه لل personal statement بلاش تكون كوبي من النت اكتب فعلا انت عاوز تسافر و تدرس ليه
4- المنحه مبنيه علي فكره المنافسه في ناس كتير بتقدم معاك لازم تحاول تظهر انك مختلف و متفوق علي كل الناس الي بتقدم
تفاصيل اكتر عن المنحه في اللينك ده :
http://www.chevening.org/apply/eligibility-criteria
اعمل تاج للناس الي عوزين يسافروا انجلترا
إعداد: أحمد حسني الحريري
EduYemen#
انشر وشارك غيرك حتى يستفيد الجميع
تعليقات
إرسال تعليق